ರಿಯಾದ್ ನಲ್ಲಿ ಪ್ರಾಮಾಣಿಕತೆಯನ್ನು ತೋರಿಸಿದ ಪಾವೂರು ಹರೇಕಳದ ಹೈದರ್

ಡಿಸಂಬರ್ 28-2011 ಗಡಿನಾಡ ನ್ಯೂಜ್

ರಿಯಾದ್;(ಸೌದಿ ಅರೇಬಿಯಾ) ಮಾರ್ಗದಲ್ಲಿ ಬಿದ್ದಿದ್ದ 4000 ರಿಯಾಲ್, ಗುರುತು ಚೀಟಿ(ಹಖಾಮ) ಹಾಗು ಇನ್ನಿತರ ಪ್ರಾಮುಖ್ಯ ದಾಖಲೆ ಪತ್ರಗಳಿದ್ದ ಪರ್ಸನ್ನು ಹೆಕ್ಕಿ ಅದರ ವಾರೀಸುದಾರರಿಗೆ ತಲುಪಿಸಿ ತನ್ನ ಪ್ರಾಮಾಣಿಕತೆಯನ್ನು ತೋರ್ಪಡಿಸಿದ ಮಂಗಳೂರು ಸಮೀಪದ ಪಾವೂರು ಹರೇಕಳದ ಆಲಡ್ಕ ನಿವಾಸಿ ಶ್ರೀಯುತ ಹೈದರ್ ಎಂಬವರು ಎಲ್ಲರ ಪ್ರಶಂಶೆ ಗೆ ಪಾತ್ರರಾಗಿದ್ದಾರೆ.
ಹಲವಾರು ವರ್ಷಗಳಿಂದ ರಿಯಾದ್ ನಲ್ಲಿ ವ್ಯಾಪಾರಸ್ಥ ರಾಗಿರುವ ಶ್ರೀಯುತ ಹೈದರ್ ರವರು ರಿಯಾದ್ ನ ಹೊಳೆಯಾ ತೈಬಾ ದಲ್ಲಿ ತನ್ನ ಎಂದಿನ ವ್ಯಾಪಾರವನ್ನು ಮುಗಿಸಿ ಹಿಂತಿರುಗುತಿದ್ದ ವೇಳೆ ಮಾರ್ಗದ ಬದಿಯಲ್ಲಿ ಒಂದು ಪರ್ಸ್ ಬಿದ್ದಿರುವುದನ್ನು ಕಂಡು ಕೂಡಲೇ ಅದನ್ನು ತೆಗೆದು ನೋಡಿದಾಗ ಅದರಲ್ಲಿ 4000 ರಿಯಾಲ್ ಹಖಾಮ ಹಾಗು ಇನ್ನಿತರ ದಾಖಲೆ ಪತ್ರಗಳಿದ್ದವು ಕೂಡಲೇ ಪರಿಚಯಸ್ಥರಿಂದ ವ್ಯಕ್ತಿಯ ಮಾಹಿತಿ ಪಡೆದು ಮಂಜೇಶ್ವರ ನಿವಾಸಿ ಅಕ್ತರ್ ಹುಸೈನ್ ಎಂಬವರಿಗೆ ಪರ್ಸನ್ನು ತಲುಪಿಸುವಲ್ಲಿ ಯಶಶ್ವೀಯಾಗಿ ತನ್ನ ಪ್ರಾಮಾಣಿಕತೆಯನ್ನು ತೋರಿಸಿದ್ದಾರೆ.