കുമ്പള : കുമ്പള ടെമ്പിള്‍ റോഡിലെ ജ്വല്ലറി കുത്തിത്തുറക്കാന്‍ ശ്രമിക്കുന്നതിനിടയില്‍ അച്ഛനേയും, മകനേയും കുമ്പള സി ഐ ടി പി രഞ്ജിത്ത് അറസ്റ്റ് ചെയ്തു. ഉപ്പള ഉക്കാര്‍ സ്വദേശിയും, ശാന്തിപ്പള്ളയിലെ ക്വാര്‍ട്ടേഴ്‌സില്‍ താമസക്കാരനുമായ എം എ ഷേഖാലി (55), മകന്‍ മുഹമ്മദ് ബാദ്ഷ (27) എന്നിവരാണ് ജ്വല്ലറി കവര്‍ച്ചാശ്രമത്തിനിടയില്‍ ഇന്നു പുലര്‍ച്ചെ അറസ്റ്റിലായത്. കര്‍ണ്ണാടക പോലീസ് അന്വേഷിച്ചുവരുന്ന പ്രതികളാണ് ഇവരെന്ന് പോലീസ് അറിയിച്ചു പ്രതികളെ കസ്റ്റഡിയില്‍ വിട്ടുകിട്ടാന്‍ കര്‍ണ്ണാടക പോലീസ് ആവശ്യപ്പെട്ടേക്കുമെന്നാണ് സൂചന. മംഗലാപുരത്ത് നിന്നും മോഷ്ടിച്ച ബൈക്കുമായി ഒരാളെ കഴിഞ്ഞ ദിവസം കസ്റ്റഡിയില്‍ എടുത്തിരുന്നു. ഇയാളില്‍ നിന്നാണ് ഷേഖാലിയേയും, മുഹമ്മദ് ബാദ്ഷയേയും കുറിച്ച് വിവരങ്ങള്‍ പോലീസിനു ലഭിച്ചത്. ടിപ്പര്‍ ലോറി മോഷണക്കേസില്‍ മംഗലാപുരം ജയിലില്‍ കഴിഞ്ഞിരുന്ന മുഹമ്മദ് ബാദ്ഷ അടുത്തിടെയാണ് പുറത്തിറങ്ങിയത്.
No comments:
Post a Comment